Jackson lagður til hinstu hvílu

Stevie Wonder, Lionel Richie og Mariah Carey verða meðal þeirra söngvara sem heiðra minningu poppgoðsins Michaels Jackson við minningarathöfn sem haldin verður um hann í dag í Staples Center í Los Angeles. Útförin fer fram í kyrrþey snemma morguns miðað við Kaliforníutíma og verður Jackson lagður til hinstu hvílu í grafreit í Los Angeles. Enginn skortur verður á frægum einstaklingum við minningarathöfnina og má, auk þeirra sem þegar hafa verið nefndir, telja upp Martin Luther King þriðja, körfuknattleiksmennina Kobe Bryant og Magic Johnson auk söngvarans Smokey Robinson.