Víða hálka á landinu

Ófært er um Fjarðarheiði á Austurlandi og Klettháls á Vestfjörðum.

Það eru hálkublettir á Sandskeiði og Hellisheiði en hálka í Þrengslum. Hálka er einnig víða á Suðurlandi, einkum á útvegum.

Á Vesturlandi eru hálkublettir í Borgarfirði, hálka á Snæfellsnesi og í Dölum. Hálka og éljagangur er á Holtavörðuheiði.

Á Vestfjörðum er hálka, snjóþekja og skafrenningur er á Steingrímsfjarðarheiði. Ófært er um Klettsháls.

Á Norðurlandi vestra er hálka og éljagangur.

Á Norðausturlandi er flughált á Tjörnesi og um Melrakkastléttu alla leið í Þórshöfn, hálka á öðrum leiðum, mikill éljagangur er í Eyjafirði.

Á Austur- og Suðausturlandi er hálka.