Brown sendir fleiri hermenn til Afganistan

Gert er ráð fyrir að Gordon Brown, forsætisráðherra Bretlands, muni í dag tilkynna að 500 breskir hermenn til viðbótar verði sendir til Afganistan á næstunni. Nýleg könnun Times hefur þó leitt í ljós að 36 prósent Breta vilja herlið landsins burt frá Afganistan og hefur það hlutfall hækkað frá síðustu könnun, sem gerð var fyrir um mánuði, en þá vildu 29 prósent herinn heim. Áður en Brown tilkynnir um liðsaukann mun hann lesa upp nöfn 37 breskra hermanna sem féllu í Afganistan meðan á sumarfríi breska þingsins stóð.