500 búnir að kjósa í forvali Samfylkingarinnar

Rúmlega 500 manns eru búnir að greiða atkvæði í netprófkjöri Samfylkingarinnar í Suðurkjördæmi sem hófst í gær og líkur klukkan 18 á morgun. Prófkjörið er opið öllum íbúum kjördæmisins.

Fram kemur í tilkynningu frá kjörstjórn að kosning gangi samkvæmt áætlun eftir að leyst var úr lítilsháttar byrjunarörðugleikum í einum netbankanna en þátttakendur fá sendan kjörkóða í heimabankann sinn.

,,Íbúar Suðurkjördæmis sem vilja nýta lýðræðislegan rétt sinn til til að raða á lista Samfylkingarinnar fara inn á samfylking.is og þaðan á kjörsíðu Samfylkingarinnar í Suðurkjördæmi og fá allar upplýsingar um hvernig kosið er. Þar skráir viðkomandi sig til að taka þátt í netkosningu og fær kjörkóða sendan strax á netbanka og lýkur kosningu í beinu framhaldi," segir í tilkynningunni.