Heilbrigðisfrumvarp Obama fær brautargengi

Nefnd á vegum bandarísku Öldungadeildarinnar hefur samþykkt að hleypa í gegn frumvarpi sem miðar að því að bæta heilbrigðiskerfið í Bandaríkjunum. Frumvarpið er liður í tilraunum Baracks Obama til þess að endurskipuleggja heilbrigðiskerfi landsins og þykir afgreiðsla nefndarinnar vera mikill sigur fyrir fosetann.

Frumvarpið, sem miðar að því að lækka útgjöld og gera heilbrigðistryggingar ódýrari fyrir landsmenn var samþykkt með 14 atkvæðum gegn níu og kaus einn öldungardeildarþingmaður repúblikanaflokksins með frumvarpinu. Það var Olympia Snow sem varð þar með fyrsti repúblikaninn sem stutt hefur hugmyndirnar. Obama segir samþykki nefndarinnar vera stórt skref í þá átt að frumvarpið verði að lögum.