Wood ekkert án Jo

Meðlimir hljómsveitarinnar Rolling Stones hafa ákveðið að gefa Ronnie Wood úrslitakosti, annað hvort hættir hann drykkjunni eða hann hættir í hljómsveitinni. Samkvæmt erlendum tímaritum var það fyrrum eiginkona Woods sem gerði honum kleift að sinna tónlistinni sem skyldi.

„Án Jo hefði Ronnie aldrei geta spilað með hljómsveitinni á tónleikaferðalögum. Það er ekki hægt að leggja upp í tónleikaferðalag án þess að hafa einhverskonar tryggingu, Jo hefur séð um það. Öll samskipti undanfarin ár hafa farið í gegnum Jo og nú hefur Mick fengið nóg. Ronnie hefur alltaf verið svolítið týndur, án Jo getur enginn náð til hans. Það er ólíklegt að hann komi aftur eftir þetta atvik,“ var haft eftir innanbúðarmanni. Ronnie Wood hætti nýverið með tvítugri kærustu sinni eftir að hann var handtekinn fyrir að beita hana ofbeldi á almannafæri.