Bjarni: Alþingi getur ekki takmarkað ríkisábyrgðina

Bjarni Benediktsson, formaður Sjálfstæðisflokksins, segir niðurstöðuna í Icesave málinu sem liggur fyrir vera í grundvallaratriðum að Alþingi gefur frá frá sér réttinn til að takmarka ríkisábyrgð vegna samkomulagsins síðar. Bjarni spurði Steingrím J. Sigfússon, fjármálaráðherra, út í málið á þingfundi í dag. „Hvað réttlætir þessa kúvendingu frá því í sumar?" spurði Bjarni.

Steingrímur tók ekki undir þessa túlkun Bjarna. Lagalegur fyrirvari um greiðsluskyldu vegna ríkisábyrgðarinnar væri til staðar. Þá kom fram í máli Steingríms að nýju frumvarpi ríkisstjórnarinnar varðandi Icesave verði að öllum líkindum dreift á Alþingi í dag.