Krabbamein Þuríðar fer minnkandi - myndband

„Þessi stelpa sýnir það að ótrúlegustu kraftaverk gerast og hvað það er dýrmætt að halda í vonina," segja foreldrar Þuríðar Örnu sem fæddist árið 2002.

Þuríður hefur þurft að berjast við alvarleg veikindi síðan 25. október árið 2004 þegar hún greindist með illvíga flogaveiki og góðkynja æxli í höfði.

Tveimur árum síðar var æxlið orðið illkynja.

Vísir hitti Þuríði Örnu, og systur hennar, Oddný Erlu, ásamt foreldrum þeirra, Áslaugu Ósk Hinriksdóttur og Óskari Erni Guðbrandssyni, baksviðs á Idol stjörnuleit í Smáralindinni.

Í meðfylgjandi myndskeiði (efst í texta) ræða foreldrar Þuríðar um heilsufar hennar og hvernig þau takast á við lífið og tilveruna.