Innlent

Ræddu um skipulag þingfundar í 49 mínútur

Þráinn Bertelsson sagði umræðuna um atkvæðagreiðsluna vera fyrir neðan virðingu Alþingis.
Þráinn Bertelsson sagði umræðuna um atkvæðagreiðsluna vera fyrir neðan virðingu Alþingis. Mynd/Valgarður Gíslason
Þingmenn ræddu í 49 mínútur við upphaf þingfundar í dag hvort að fram ætti að fara atkvæðagreiðsla um það hvort ræða ætti Icesave frumvarp ríkisstjórnarinnar fram á kvöld. Þráinn Bertelsson, þingmaður utan flokka, sagði umræðuna fyrir neðan virðingu Alþingis.

Þingfundur hófst klukkan hálf ellefu. Fimm mál voru á dagskrá en áður en fyrsta málið var tekið fyrir kom fram tillaga um kvöldfund en greiða þarf sérstaklega atkvæði um það. Í framhaldinu tók hver þingmaðurinn á eftir öðrum til máls. Þingmenn stjórnarandstöðunnar gerðu alvarlegar athugasemdir við fjarveru ráðherra og stjórnarliða í umræðunum að undanförnu.

Þráinn sagði umræðuna afar merkilega. „Í raun og veru er verið að tala um lýðræði. Lýðræði sem felst í því að fólk fái tíma og tækifæri til að tjá sig eða lýðræði sem felst í því að menn séu skyldaðir til hlusta og skyldaðir til að tjá sig. Ég hef aldrei vitað að lýðræði snérust um að skylda nokkurn lifandi mann til að taka þátt í einhverju sem hann kærir sig ekki upp heldur þvert á móti," sagði þingmaðurinn.

Þráinn sagði að umræðuna um atkvæðagreiðsluna hafa markast af skætingi og frammíköllum. Hann myndi því ekki greiða atkvæði í málinu.


Tengdar fréttir

Umræðu um Icesave framhaldið

Annarri umræðu um frumvarp ríkisstjórnarinnar um ríkisábyrgð vegna Icesave reikninga Landsbankans verður framhaldið á Alþingi í dag. Í frumvarpinu er lagt til að gerðar verði breytingar á lögum og fyrirvörum sem samþykkt voru í sumar.

Jóhanna ræðir Icesave þegar hennar tími er komin

Jóhanna Sigurðardóttir, forsætisráðherra, segist ekki ætla að ræða Icesave frumvarp ríkisstjórnarinnar á Alþingi fyrr en hennar tími sé kominn. Forsætisráðherra hefur enn ekki tekið til máls um frumvarpið sem nú er í annarri umræðu.

„Erfitt að rökræða við fólk sem er fjarverandi"

Birgir Ármannsson, þingmaður Sjálfstæðisflokksins, segir að í umræðum um frumvarp ríkisstjórnarinnar um Icesave í gærkvöldi hafi stjórnarliðar verði meira og minna fjarverandi. „Það er erfitt að rökræða við fólk sem er fjarverandi. Það segir sjálft. Tilgangur umræðu í þinginu eru rökræður, ekki einræður,“ segir Birgir.

Ræddu fundarstjórn forseta í 20 mínútur

Þingmenn Sjálfstæðisflokks og Framsóknarflokks ræddu um fundarstjórn forseta Alþingis í meira en 20 mínútur á þingfundi á tólfta tímanum í kvöld. Þingmennirnir gerðu alvarlegar athugasemdir við fjarveru ráðherra og stjórnarliða og á þá einkum Jóhönnu Sigurðardóttur, forsætisráðherra.

Kvörtuðu undan fjarveru stjórnarliða

Þingmenn stjórnarandstöðunnar gerðu alvarlegar athugasemdir við fjarveru ráðherra og stjórnarliða í umræðum um Icesave í upphafi þingfundar í dag og hvort að ræða eigi um málið á kvöldfundi. Össur Skarphéðinsson, utanríkisráðherra, sagði ríkisstjórnina hafa komið sínum sjónarmiðum á framfæri. Eygló Harðardóttir, þingmaður Framsóknarflokksins, óskaði eftir því að greidd yrði atkvæði með nafnakalli um hvort að ræða ætti málið fram á kvöld.

Vill útvarpa umræðu um Icesave á Rás 1

Jón Gunnarsson, þingmaður Sjálfstæðisflokksins, óskaði eftir því á þingfundi í kvöld að umræðum um Icesave frumvarpið verði útvarpað svo allir landsmenn gæti fylgst með. Sigmundur Davíð Gunnlaugsson, formaður Framsóknarflokksins, tók undir beiðnina. Hann sagði auk þess fráleitt að halda umræðum um málið áfram á kvöldfundum.

Mest lesið


Fleiri fréttir

Sjá meira


×

Mest lesið