Snýr sér að leikstjórn

Leikkonan Lindsay Lohan tilkynnti á Twitter-síðu sinni í gær að hún hefði lokið við að skrifa handrit að sjónvarpsþætti sem hún hefði selt til sjónvarpsstöðvar.

„Ég skrifaði handrit að þætti sem ég held ég hafi selt í dag! Nú þarf ég bara að finna einhvern sem mun taka að sér að skrifa heila seríu. Ég hef mikinn áhuga á framleiðslu og leikstjórn," ritaði leikkonan á síðuna. Stuttu seinna skildi hún eftir skilaboð á Twitter-síðu Cash Warrens, eiginmanns leikkonunnar Jessicu Alba, þar sem hún spurði hann hvort hann væri spenntur fyrir verkefninu.

Samkvæmt tímaritinu sem flutti fréttirnar vilja þó engar af stóru sjónvarpsstöðvunum kannast við það að hafa keypt handrit skrifað af Lohan.