Skotárás Nørrebro

Maður var skotinn í brjóstkassann á Nørrebro í Kaupmannahöfn í gærkvöldi og er lögregla engu nær um hver framdi ódæðið. Fórnarlambið komst í verslun í nágrenninu þar sem það bað um aðstoð og segjast vitni hafa séð annan mann á harðahlaupum frá þeim stað þar sem skothvellir heyrðust. Sá sem fyrir skotinu varð er úr lífshættu en lunga féll saman í honum. Eins og oft áður grunar lögreglu að atburðurinn tengist átökum glæpagengja á Nørrebro en þar líður vart sá dagur að ekki slái í brýnu með Vítisenglum og fleiri gengjum.