Bretar hefja bólusetningu gegn svínaflensu

Bólusetning milljóna Breta gegn svínaflensunni mun hefjast innan viku, að sögn sóttvarnalæknis landsins. Nú eru yfir 100 manns látnir úr flensunni í Bretlandi, þar á meðal 17 ára gömul skosk kona en hún var ólétt þegar hún lést. Líkt og hér á landi verður forgangsraðað eftir því hverjir þurfa mest á bólusetningu að halda og ganga heilbrigðis- og löggæslustéttir fyrir. Stefna heilbrigðisyfirvalda er að bólusetja alla íbúa landsins og hefur nægilegt magn bóluefnis þegar verið pantað.