Afþakka heimsókn ísraelsks ráðherra

Íslensk stjórnvöld hafa afþakkað komu menntamálaráðherra Ísraels til landsins.

Í heimsókninni ætlaði ráðherrann að útskýra málstað Ísraels í stríðinu sem nú stendur yfir á Gaza ströndinni.

Ísraelsk stjórnvöld ákváðu að gera sendimenn út af örkinni þar sem þeim finnst hallað á málstað sinn. Fara þeir víða um heim.

Íslensk stjórnvöld hafa fordæmt framferði Ísraela á Gaza ströndinni.

Voru þau skilaboð send til Ísraels að ekki sé rétt að hátt settir aðilar fundi um málið fyrr en Ísraelar hafi orðið við þeirri kröfu Öryggisráðs Sameinuðu þjóðanna að hætta árásum á Gaza ströndinni.