Ragnheiður tekur við af Lay Low

Sýningar á verðlaunaleikritinu Ökutímar hefjast í Borgarleikhúsinu 2. maí næstkomandi en uppsetning verksins fékk afbragðs viðtökur hjá Leikfélagi Akureyrar á síðasta ári. Söngkonurnar Lay Low og Ragnheiður Gröndal munu af þessu tilefni hljóðrita nýja útgáfu lagsins Saman en lagið er eitt fjölmargra sem Lay Low samdi fyrir sýninguna og hampaði Grímunni fyrir.

Lay Low er bókuð við spilamennsku víða um heim nær allt þetta ár og því var ljóst að hún gæti ekki tekið þátt í flutningi Ökutíma þótt hún glöð vildi. Ragnheiður Gröndal tekur við keflinu af Lay Low og flytur tónlistina í sýningunni.

Fram kemur í tilkynningu að miðasala hefst miðvikudaginn 15. apríl.