Allt að 45.000 bandarískir hermenn til Afganistan

Talið er að Barack Obama Bandaríkjaforseti hafi í hyggju að senda allt að 45.000 bandaríska hermenn í viðbót til Afganistan. Áður var talið að nýi liðsaukinn yrði 40.000 hermenn en eftir að Stanley McChrystal, hershöfðingi Bandaríkjahers í Afganistan, sendi Obama beiðni um enn frekari liðsauka var ákveðið að allt að 45.000 hermenn bættust við þá sem fyrir eru í Afganistan. Fréttastofan greindi frá því í gær að Bretar hygðust senda 500 hermenn í viðbót til Afganistan svo skálmöldin þar eystra virðist síst í rénun.