Bústaðurinn ónýtur eftir bruna: „Mikið tilfinningalegt tjón„

Sumarbústaður sem fjölskylda Jónasar R. Jónssonar fjölmiðlamanns og fyrrum umboðsmanns íslenska hestsins er ónýtur eftir bruna um miðjan dag í gær. Jónas segir að kviknaði hafi í út frá rafmagnstöflu og þakkar fyrir að eldurinn hafi komið upp um miðjan dag, en ekki nótt. Hann segir bústaðinnm, sem er á Þingvöllum, hafa verið í eigu fjölskyldunnar í þrjátíu ár, en enginn slasaðist í brunanum.

„Ég hugsa að hann sé ónýtur. Það eru allar rúður sprungnar og mikil lykt og sót, ég geri því ráð fyrir að hann sé ónýtur þó hann hafi ekki brunnið til grunna," segir Jónas sem var ekki á svæðinu þegar eldurinn kom upp.

Bróðir Jónasar og fjölskylda hans voru í bústaðnum þegar kviknaði í. Nágrannar þeirra hjálpuðu við að slökkva eldinn og fór fjölskyldan þá í bæinn. Eldurinn blossaði síðan aftur upp þegar þau voru farin.

„Þetta er mikið tjón, þá aðallega tilfinningalegt," segir Jónas.

Hann var sjálfur á leiðinni austur þegar Vísir náði af honum tali til þess að líta á aðstæður.

„Maður þakkar bara fyrir að eldurinn kom ekki upp tólf tímum síðar, þá hefði getað farið verr."