Ferguson: Þetta er gömul saga

Sir Alex Ferguson, stjóri Man. Utd, gerir lítið úr þeim sögum að Man. Utd ætli sér að bjóða í Edin Dzeko, framherja Wolfsburg, í janúar.

Bosníumaðurinn er afar eftirsóttur eftir frábæra frammistöðu með þýska liðinu og Mike Phelan, aðstoðarmaður Ferguson, sagði um helgina að United væri að skoða Dzeko.

„Þetta er gömul saga. Í hvert skipti sem einhver spilar vel gegn okkur þá er skrifað að við ætlum að kaupa hann daginn eftir. Það er ekkert sérstakt í gangi hjá Man. Utd og Edin Dzeko," sagði Ferguson.