Reynir að fresta staðfestingu Lissabon sáttmálans

Eiríkur Bergmann, forstöðumaður Evrópufræðaseturs Háskólans á Bifröst, segir að Vaclav Klaus, forseti Tékkalands, reyni nú hvað hann geti til að koma í veg fyrir að Lissabon sáttmálinn verði samþykktur heima fyrir.

Forseti Póllands undirritaði sáttmálann í morgun en með staðfestingunni hafa 26 af 27 löndum Evrópusambandsins staðfest hann. Síðasta hindrunin fyrir fylgismenn sáttmálans er Tékkland, en forseti landsins er andsnúinn Lissabon sáttmálanum.

Eiríkur segir að Klaus leiti nú allra leiða til að fresta því að staðfesta sáttmálann í þeirri veiku von að við verði tekin ný ríkisstjórn í Bretlandi undir forystumann íhaldamannnsins, David Cameron, sem hefur sagt að hann vilji setja sáttmálann þjóðaratkvæðagreiðslu.

„Það er sú leið sem andstæðingar sáttmálans hafa til að koma honum fyrir kattarnef," segir Eiríkur en bætir við að Cameron hafi að undanförnu verið að draga í land hvað fyrri yfirlýsingar sínar varðar.