Handtekinn með skammbyssu á Kastrup

Flugfarþegi á sjötugsaldri var handtekinn á Kastrup-flugvelli í gær eftir að skammbyssa fannst í fórum hans. Maðurinn var á leið í flug út úr landinu þegar gegnumlýsing á handfarangri hans leiddi í ljós að hlaup byssunnar leyndist þar. Hann var þegar stöðvaður og sá hluti farangursins, sem hann hafði látið af hendi við innskráningu, sóttur. Þar fannst afgangurinn af byssunni. Farið hefur verið fram á gæsluvarðhald yfir manninum en ný lög í Danmörku leggja eins árs fangelsisvist við því að leyna skotvopni, óháð kringumstæðunum.