Handtakan í Northampton: Grunur um alvarlegt innbrot

Íslensku stúlkurnar tvær sem voru handteknar í Northampton í Englandi á miðvikudaginn eru grunaðar um alvarlegt innbrot í Lundúnum, samkvæmt heimildum fréttastofu. Þær voru færðar fyrir rétt í London í dag.

Utanríkisráðuneytið staðfestir við fréttastofu að hafa fengið tilkynningu um handtöku tveggja Íslendinga í Bretlandi, en veitir að svo stöddu ekki frekari upplýsingar.

Í frétt á vef blaðsins Northampton Chronicle and Echo segir að lögreglan hafi fundið stúlkurnar á miðvikudaginn eftir fjögurra daga leit. Leit að þeim hófst eftir að faðir annarrar stúlkunnar hafði haft samband við lögregluna og lýst yfir áhyggjum sínum af öryggi þeirra.