Fjöldi á biðlista á Akureyri

Alls eru 26 manns á biðlista á Akureyri eftir búsetu með þjónustu fyrir fatlaða. Þetta kom fram í máli Önnu Maritar Níelsdóttur félagsráðgjafa á fundi félagsmálaráðs Akureyrar.

Níu manns eru á biðlista eftir húsnæði sem sérstaklega er ætlað geðfötluðum, þar af eru fjórir sem bíða eftir úrræði fyrir einstaklinga með geðfötlun og viðvarandi vímuefnavanda. Alls bíða sautján einstaklingar með þroskahömlun eftir búsetu.

Í bókun félagsmálaráðs kemur fram að áfram þurfi að leita allra leiða til að mæta þörfum umsækjenda.- th