Skorar á aðra frambjóðendur

Tryggvi Þór Herbertsson, frambjóðandi í prófkjöri Sjálfstæðisflokksins í Norðausturkjördæmi, hefur birt upplýsingar um fjárhagsleg tengsl sín, og skorar á aðra stjórnmálamenn að gera slíkt hið sama.

Á bloggsíðu Tryggva á Eyjunni er upplýst að hann hafi samið um hlutdeild í árangri Askar Capital þegar hann tók við stöðu forstjóra haustið 2006. Þar sem hann hafi ekki setið út umsamið tímabil hafi hann hvorki hagnast né tapað á þeim samningi. Þá á hann ásamt eiginkonu sinni bréf að andvirði um 10 þúsund krónur í Decode Genetics. - bj