Ellefu ára gömul móðir

Ellefu ára gömul búlgörsk stúlka eignaðst dóttur í gær og var útskrifuð af spítalanum í dag. Hún mun innan skamms giftast barnsföður sínum sem er nítján ára gamall.

Stúlkan sem fæddist í gærkvöldi hefur verið nefnd Violeta, hún er heilbrigð og vóg 2500 grömm.

Móðirin bað í raun um að fá að útskrifast af fæðingardeildinni í dag til þess að hún gæti gift sig. Það fylgir einnig sögunni að í Búlgaríu sé refsivert að stunda kynlíf með einstaklingi sem er yngri en fjórtán ára.

Ekki er óalgengt að stúlkur eignist börn mjög ungar að aldri í Búlgaríu.