Hvaða stjarna viltu að passi börnin þín?

Bandarísk heimasíða sem fjallar um fjölskyldumál gerði könnun á því hvaða stjörnur almenningur vildi helst fá til þess að passa börnin fyrir sig.

Efst á þeim lista er lesbíuparið Ellen Degeneres og Portia de Rossi. Gamanleikarinn Ellen er Íslendingum að góðu kunn fyrir eigin sjónvarpsþætti og Portia de Rossi sló í gegn í þáttunum um lögfræðinginn Allie MacBeal.

Númer tvö á listanum er vinkonan Jennifer Anniston. Númer þrjú er súpermamman Angelina Jolie og í fjórða sæti er mamma allrar Ameríku Oprah Winfrey.