Vill auka umræðu um fósturlát

Auður Helgadóttir missti fóstur eftir 19 vikna meðgöngu í ágúst síðastliðnum. Hún segist hafa gengið í gegnum mikla sorg síðan og að daglegar athafnir eins og að fara í kjörbúð hafi reynst henni erfiðar í framhaldinu.

Auk þess hafi henni fundist margt undarlegt í því ferli sem fór af stað í heilbrigðiskerfinu. Hún hafi þurft að fæða andvana barn sitt á sama gangi og konur sem fæða lifandi börn, henni hafi ekki verið veitt áfallahjálp og að djákni, sem kom til að styðja við bakið á henni, hafi rætt um duftker og jarðsetningu í miðri fæðingu. Hún segir nauðsynlegt að opna umræðuna um fósturlát hér á landi og hefur stofnað síðu á Facebook undir yfirskriftinni „Stuðningshópur vegna fósturláta". Ítarlega verður rætt við Auði í Íslandi í dag í kvöld kl. 18.55.