Sjálfstæðisflokkurinn áfram stærstur

Sjálfstæðisflokkurinn mælist stærsti stjórnmálaflokkur landsins samkvæmt samkvæmt Þjóðarpúlsi Gallups. Fylgi stjórnarflokkanna eykst meðal kjósenda en 49% styðja ríkisstjórnina sem er örlítið fleiri en þegar síðast var spurt. Þetta kom fram í kvöldfréttum Ríkisútvarpsins.

Fylgi við Sjálfstæðisflokkinn er hins vegar óbreytt 28,8% en flokkurinn fékk 23,7% í þingkosningunum 25. apríl.

27,2% segjast myndu kjósa Samfylkinguna 2% fleiri en síðast en 2,7% minni en í kosningunum. 21,6% styðja Vinstri hreyfinguna grænt framboð sem 3% fleiri en í síðustu könnun.

Fylgi við Framsóknarflokkinn minnkar hins vegar um tvö prósentustig og er nú 14,8% líkt í kosningunum í vor. Fylgi við Borgarahreyfinguna minnkar jafn mikið og er nú 6% en hreyfingin fékk 7,2% í vor.