Vill verða varaformaður

Kolbrún Stefánsdóttir hefur ákveðið að gefa kost á sér í embætti varaformanns Frjálslynda flokksins. Í tilkynningu frá Kolbrúnu kemur fram að frá síðasta landsfundi hafi hún verið ritari flokksins og segist hún hafa fengið áskoranir um að bjóða sig fram til varaformanns sem hún geti ekki litið framhjá. Hún segist jafnframt telja að embætti varaformanns sé verðugt verkefni og að hún geti gert flokknum meira gagn í því embætti.

„Frjálslyndi flokkurinn hefur alltaf lagt áherslu á jafnræði landsbyggðarinnar og höfuðborgarsvæðisins. Ég var lengi búsett og starfandi á landsbyggðinni og þekki líf og þarfir landsbyggðarfólks,en er núna búsett á höfuðborgarsvæðinu og get því borið þetta tvennt saman. Ég vænti þess að viðhorf mín og reynsla komi að gagni í þessu embætti."