Nýtt fiskveiðiár á miðnætti

Nýtt fiskveiðiár hófst á miðnætti í skugga mikils niðurskurðar á kvótum mikilvægra tegunda. Mestu munar að ýsukvótinn á þessu fiskveiðiári verður heilum 30 þúsund tonnum minni en á síðasta fiskveiðiári, eða aðeins 63 þúsund tonn, samanborið við 93 þúsund tonn á nýliðnu fiskveiðiári. Þetta jafngildir ársafla fimm til sex togara, ef þeir veiddu einungis ýsu. Ufsaaflinn verður 15 þúsund tonnum minni núna og þorskvótinn er tólf þúsund og fimm hundruð tonnum minni. Í reynd verður niðurskurðurinn þar eitthvað minni því þorskafli standveiðibáta verður ekki inni í þessari tölu.