Innlent

Framtíð stjórnarinnar ræðst á morgun

Ingibjörg Sólrún Gísladóttir, formaður Samfylkingarinnar, segir að framtíð stjórnarsamstarfsins ráðist líklega á morgun. Ekki sé hægt að bíða mikið lengur.

Fundi hennar með Geir H. Haarde, formanni Sjálfstæðisflokksins, sem hófst rétt fyrir klukkan fimm er lokið. Ingibjörg segir að hún og Geir hafi átt ágætt spjall.

Ingibjörg segir Björgvin G. Sigurðsson hafi farið fram með góðu fordæmi í morgun. Nú sé komið að Seðlabankanum og yfirstjórn hans.

Ingibjörg segir að hún hafi ekki átt í þreifingum við aðra flokka. Aðspurð segir hún að Samfylkingin sé reiðbúin til að leiða ríkisstjórnina.




Tengdar fréttir

Fundað á heimilum Geirs og Ingibjargar

Algjör óvissa ríkir um hvort ríkisstjórnin lifi út daginn og er talið allt eins líklegt að stjórnarslit verði áður en þessi sólarhringur er allur. Forystumenn stjórnarflokkanna áttu klukkustundarlangan fund á heimili Geirs H. Haarde forsætisráðherra í hádeginu um framhald samstarfsins.

Björgvin, Jónas og stjórn FME láta af störfum

Björgvin G. Sigurðsson hefur sent Geir H. Haarde, forsætisráðherra, bréf þar sem hann biðst lausnar sem viðskiptaráðherra. Björgvin greindi frá þessu á fundi með blaðamönnum. Jafnframt tilkynnti hann að Jónas Fr. Jónsson, forstjóri Fjármálaeftirlitsins, og stjórn Fjármálaeftirlitsins láti af störfum.

Formennirnir funda á eftir

Geir H. Haarde forsætisráðherra og Ingibjörg Sólrún Gísladóttir utanríkisráðherra ætla að hittast fundi í dag til að ræða stjórnarsamstarfið. Mikil óvissa er um framhald þess og hefur Ingibjörg fundað stíft með flokksmönnum sínum um helgina til að ræða málin. Innan Samfylkingarinnar eru skiptar skoðanir um hvort að halda eigi samstarfinu áfram og hafa nokkur aðildarfélaganna ályktað um að slíta eigi því strax. Ingibjörg Sólrún fundaði með formönnum allra aðildarfélaganna í gær og með stjórn Samfylkingarinnar.

Funda á heimili Geirs

Formenn stjórnarflokkanna, Þorgerður Katrín Gunnarsdóttir og Össur Skarphéðinsson funda nú á heimili Geirs H. Haarde, forsætisráðherra. Óvissa ríkir um ríkisstjórnarsamstarfið en afsögn Björgvins G. Sigurðssonar þykir þó hafa aukið líkur á að stjórnin haldi velli.

Ingibjörg komin til Geirs

Ingibjörg Sólrún Gísladóttir, formaður Samfylkingarinnar, er komin til Geirs H. Haarde, formanns Sjálfstæðisflokksins, til að funda með honum á heimili hans í Vesturbænum. Með henni er Össur Skarphéðinsson.

Mest lesið


Fleiri fréttir

Sjá meira


×

Mest lesið