Walcott sló hraðamet Henry hjá Arsenal

Arsene Wenger, stjóri Arsenal, hefur staðfest að Theo Walcott hlaupi hraðast allra þeirra leikmanna sem hann hefur stýrt hjá félaginu.

Walcott, sem spilar í treyju númer 14 sem Henry var í, bætti hraðamet Henry í 40 metra hlaupi. Walcott hljóp metrana 40 á 4,72 sekúndum en Henry átti best 4,82.

„Þrír fljótustu leikmenn liðsins í dag eru Walcott, Carlos Vela og Armand Traore. Og já, Theo er sá fljótasti," sagði Wenger.

„Theo á metið í 40 metra hlaupi sem 4,72 sekúndur eða eitthvað slíkt. Thierry var afar fljótur líka og á best 4,82 sekúndur. Tíminn er á því róli en ég get ekki alveg staðfest hann. Theo hefði getað orðið 100 metra hlaupari."