Gunnar Heiðar Þorvaldsson gekkst í dag undir læknisskoðun hjá enska B-deildarfélaginu Reading og stóðst hana.
Þetta staðfesti Gunnar Heiðar í samtali við Vísi í dag. Hann á von á því að skrifað verði undir samning á morgun.
„Umboðsmaðurinn minn er að vinna í samningsmálunum og það er verið að ganga frá síðustu smáatriðunum," sagði Gunnar Heiðar.
Hann er á mála hjá danska félaginu Esbjerg sem hefur samþykkt að lána Gunnar Heiðar til Reading út leiktíðina.
