Gallup könnun: Íslendingar vilja aðildarviðræður en ekki aðild

Tæplega 65% Íslendinga eru hlynntir því að taka upp aðildarviðræður við Evrópusambandið, samkvæmt niðurstöðum könnunar sem Capacent Gallup gerði fyrir Samtök Iðnaðarins. 28,2% eru andvígir en 7,6% hvorki hlynntir né andvígir aðildarviðræðum. Stuðningurinn við viðræður hefur ekki verið meiri í sex ár.

Á hinn bóginn eru þeir nú fleiri sem segjast andvígir aðild en þeir sem segjast hlynntir aðild að ESB. 45,5% segjast andvígir aðild, 39,8 segjast hlynntir en 14,8% segjast hvorki vera hlynntir né andvígir.

Capacent Gallup kannaði viðhorf landsmanna til Evrópumála með símakönnun sem stóð dagana 11. - 25. febrúar síðastliðinn. Upphaflegt úrtak var 1.350 manns og svarhlutfall 65,2%.