Sonur Penns handtekinn í skólanum

Sextán ára gamall sonur leikarans Seans Penn, Hopper Jack Penn, var handtekinn í skóla sínum í síðustu viku. Lögreglan í Malibu neitaði að tjá sig um málið þar sem Hopper Jack er enn undir lögaldri. Þrátt fyrir þagmælsku lögreglunnar hafa þær fréttir borist að pilturinn hafi verið handtekinn fyrir að vera með fíkniefni í fórum sínum.

Sean Penn og fyrrverandi eiginkona hans, leikkonan Robin Wright Penn, skildu fyrir skömmu og vilja margir meina að hægt sé að rekja handtökuna til erfiðleika heima fyrir.