Ljón á veginum

Ferðamenn í Kruger þjóðgarðinum í Suður-Afríku fylgdust með því með öndina í hálsinum þegar ljónynja og buffali börðust upp á líf og dauða á milli bíla þeirra.

Bardaginn hófst til hliðar við veginn. Ljónynjan stökk margsinnis upp á bak buffalans, beit hann og klóraði og reyndi að fella hann.

Buffalnum tókst jafnan að hrista hana af sér. Bæði dýrin voru orðin örmagna þegar leikurinn barst út á veginn.

Karlljón fylgdust með

Þau þau gáfu bílunum engan gaum. Álengdar sáu tvö karlljón og fylgdust með viðureigninni en blönduðu sér ekki í hana.

Ljónynjan vildi ekki gefast up, hefur kannski verið að reyna að ganga í augun á karldýrunum. Það eru jú ljónynjurnar sem venjulega veiða til matar. Svo koma letingjarnir og heimta að fá að setjast fyrst að borði. Dæmigerð karldýr.

Loks varð ljónynjan þó að játa sig sigraða. Hún réði ekki ein við að falla sína stóru bráð. Hún sat því eftir másandi og blásandi meðan buffalinn forðaði sér út á sléttuna.