Tilkynnt um tvö innbrot

Tilkynnt var um tvö innbrot í nótt á höfuðborgarsvæðinu. Að sögn lögreglu var brotist inn í lyfjaverslun í Garðabæ en ekki er ljóst hverju nákvæmlega vari stolið. Þjófarnir komust undan og er þeirra nú leitað. Þá var tilkynnt um innbrot í fyrirtæki í Austurborginni nú í morgunsárið og er lögregla enn á vettvangi.

Brotist var inn í tvo ólæsta bíla í Reykjanesbæ í nótt en að sögn lögreglu hafði þjófurinn lítið annað en smámuni upp úr krafsinu. Lögregla brýnir enn fyrir fólki að læsa bílum sínum og láta ekki sjást í verðmæti inni í þeim.