Innlent

Fundur um stjórnarsamstarfið færður til

Núverandi ríkisstjórn Samfylkingar og Sjálfstæðisflokks.
Núverandi ríkisstjórn Samfylkingar og Sjálfstæðisflokks.

Ríkisstjórnarsamstarf Samfylkingar og Sjálfstæðisflokks verður til umræðu á félagsfundi í Samfylkingarfélags Reykjavíkur í kvöld. Fundurinn átti að fara fram í húsnæði flokksins við Hallveigarstíg en búist er við afar góðri mætingu og því hefur verið ákveðið að færa fundinn í Þjóðleikhúskjallarann.

Frummælendur verða Mörður Árnason varaþingmaður og Lúðvík Bergvinsson þingmaður. Anna Pála Sverrisdóttir formaður Ungra jafnaðarmanna verður fundarstjóri. Mörður segir að innan flokksins séu verulegar efasemdir um núverandi ríkisstjórnarsamstarf.

Fram kemur í tilkynningu að allir félagsmenn í Samfylkingunni séu velkomnir á fundinn sem hefst klukkan 20:30.






Tengdar fréttir

Varaformaður Samfylkingarinnar vill kosningar í vor

,,Ástandið er grafalvarlegt og ég get sagt þér að í þinghúsinu, þá skynja allir mikla reiði almennings", segir Ágúst Ólafur Ágústsson varaformaður Samfylkingarinnar sem vill að gengið verði til kosninga í vor.

Hávær krafa um kosningar í Samfylkingunni

Mörður Árnason, varaþingmaður Samfylkingarinnar, segir mikilla efasemda um núverandi ríkisstjórnarsamstarf gæta í flokknum og margir vilji að boðað verði til kosninga. Sjálfur segist Mörður vera á þessari skoðun þar sem ríkisstjórnin hafi ekki umboð þjóðarinnar. Samfylkingin í Reykjavík hefur boðað til fundar annað kvöld þar sem þessi mál verða rædd.

Mest lesið


Fleiri fréttir

Sjá meira


×

Mest lesið