Innlent

Innri endurskoðun skoðar mál Ólafs

Magnús Már Guðmundsson skrifar
Ólafur F. Magnússon, fyrrverandi borgarstjóri.
Ólafur F. Magnússon, fyrrverandi borgarstjóri. Mynd/Valgarður Gíslason

Stjórn Frjálslynda flokksins hefur borist tilkynning frá Reykjavíkurborg um að máli Ólafs F. Magnússonar, borgarfulltrúa, hafi verið vísað til innri endurskoðunar borgarinnar. Frá þessu er greint á vef Frjálslynda flokksins.

Fram kom í vikunni að Frjálslyndi flokkurinn íhugar að kæra Ólaf fyrir fjárdrátt. Guðjón Arnar Kristjánsson, formaður flokksins, sagði að Ólafur hafi látið greiða lögbundinn styrk borgarinnar til stjórnmálaflokka inn á eigin reikning í stað Frjálslynda flokksins. Greiðslurnar geta numið allt að þremur milljónum króna á ári.

Ólafur vísaði þeim orðum á bug og sagðist hafa hreinan skjöld í málinu. Í framhaldi á umfjöllun Ríkisútvarpsins um málið ákvað Ólafur að stefna fréttastofu Rúv. Ólafur sagði fréttastofuna hafa sýnt sér vanvirðingu og ruddalega framkomu.

Á vef Frjálslynda flokksins segir að eftir því sem næst verð komist þá liggi styrkur til flokksins, sem úthlutað var í tíð Ólafs sem borgarstjóra, inn á reikningi á nafni félags sem stofnað var rétt fyrir úthlutun styrksins.

Stjórn Frjálslynda flokksins bíður nú viðbragða Reykjavíkurborgar.


Tengdar fréttir

Íhuga að kæra Ólaf F. fyrir fjárdrátt

„Málið er að þegar hann var borgarstjóri lét hann færa þetta fé á eigin reikning án samráðs við okkur," segir Guðjón Arnar Kristjánsson, formaður Frjálslynda flokksins.

Segir Rúv hafa sýnt sér vanvirðingu og ruddalega framkomu

Ólafur F. Magnússon borgarfulltrúi og fyrrverandi borgarstjóri ætlar í meiðyrðarmál við Rúv vegna ummæla sem látin voru falla í hádegisfréttum útvarpsins á mánudagsmorgun. Þar var því haldið fram að Ólafur hefði látið leggja fé inn á sinn eigin reikning en ekki til Frjálslyndaflokksins. Ólafur segir að með þeim ummælum hefði Rúv verið að þjófkenna sig.

Ólafur F.: Með jafnhreinan skjöld nú sem fyrr

„Árið 2008 var ekki unað við það af okkar hálfu að flokkur úti í bæ sem var ekkert að vinna með okkur ætlaði að fá aftur þetta fé annað árið í röð til þess eins í besta falli að klekkja á okkur, en ekki til að láta fjármuni renna til framboðsins," segir Ólafur F. Magnússon, óháður borgarfulltrúi.

Ætlar í mál við Ríkisútvarpið

Borgarfulltrúinn Ólafur F. Magnússon hefur ákveðið að höfða meiðyrðamál gegn Ríkisútvarpinu vegna fréttaflutnings af deilum hans við Frjálslynda flokkinn um fjárframlög frá Reykjavíkurborg. Ólafur kvaddi sér hljóðs á borgarstjórnarfundi á þriðjudag og kynnti þessi áform sín.

Mest lesið


Fleiri fréttir

Sjá meira


×

Mest lesið