Bruggverksmiðja í heimahúsi

Lögreglan á Suðurnesjum gerði upptæka stórtæka bruggverksmiðju í heimahúsi í Reykjanesbæ í gærkvöldi. Þar fundust 40 lítrar af tilbúnum landa og 300 lítrar af gambra, ásamt áhöldum og tækjum til bruggunar og átöppunar. Hald var lagt á allan búnaðinn. Talið er víst að bruggarinn hafi ætlað landann til sölu. Þá fann lögreglan á höfuðborgarsvæðinu 400 kannabisplöntur við húsleit í íbúð í Árbæjarhverfinu í gær og var um helmingur þeirra á lokastigi ræktunar. Tveir karlmenn á þrítugsaldri voru handteknir og játuðu þeir á sig ræktunina.