Karl Wernersson stefnir fréttastjóra og fréttamönnum Stöðvar 2 og Vísis

Karl Wernersson hefur stefnt Óskari Hrafni Þorvaldssyni, fréttastjóra Stöðvar 2 og Vísis, og fréttamönnunum Gunnari Erni Jónssyni og Telmu Tómasson.

Karl krefst einnar milljónar króna í skaðabætur vegna fréttar fréttastofunnar um millifærslur hans úr Straumi yfir á erlenda bankareikninga, á því tímabili þegar allir þrír stóru bankarnir féllu, í byrjun október á síðasta ári.

Eins og fram kom í fréttum Bylgjunnar hafa feðgarnir Björgólfur Guðmundsson og Björgólfur Thor Björgólfsson einnig stefnt Óskari Hrafni og Gunnari Erni Jónssyni af sömu ástæðu. Þeir krefjast hvor um sig einnar milljónar króna í skaðabætur.