Á annað hundrað eftirskjálftar

29. maí 2009 23:44

Gunnar B. Guðmundsson, jarðskjálftafræðingur hjá Veðurstofu Íslands. Mynd/www.vedur.is

Gunnar Guðmundsson, jarðskjálftafræðingur hjá Veðurstofu Íslands, segir að á annað hundrað eftirskjálftar hafi fylgt jarðskjálftanum sem varð klukkan rúmlega hálftíu í kvöld norðaustur af Grindavík. Þeir stærstu hafa verið um 3 stig á richter en stóri skjálftinn var 4,7 stig.

Gunnar á von á viðvarandi skjálftavirkni frameftir nóttu og undir morgun. Hann segir líklegt að skjálftar af stærðinni 3 stig verði inná milli minni skjálfta.

„Upptök jarðskjálftans er á flekaskilunum á Reykjanesskaga sem er þekkt jarðskjálftasvæði," segir Gunnar.

Jarðskjálftinn fannst viða um suðvestanvert landið. Skjálftinn fannst jafnframt vestan við Búðardal og austan við Holsvöll.

Tengdar fréttir

Líklega um eðlilegar jarðskorpuhreyfingar að ræða

Allstór jarðskjálfti varð á svæði um 11 kílómetra suðvestur af Hafnarfirði klukkan 21:33 í kvöld. Skjálftinn varð nánast undir Reykjanesbraut nálægt Kúgerði, segir Sigurður Þ. Ragnarsson jarðeðlisfræðingur. Fyrstu tölur bentu til að hann væri 3,9 á Richter en endurreiknaðar tölur Evrópsku jarðskjálftamiðstöðvarinnar benda til þess að hann hafi verið 4,8 á Richter og á um tveggja kílómetra dýpi, segir Sigurður.

29. maí 2009 21:40

Íbúi í Grindavík: Hélt að um Suðurlandsskjálfta væri að ræða

Sigmar Eðvarðsson, bæjarfulltrúi í Grindavík, segir jarðskjálftann sem varð klukkan rúmlega hálftíu í kvöld hafa staðið í 4 til 5 sekúndur. Ár er liðið frá Suðurlandsskjálftanum og segir Sigmar að hann hafi í fyrstu talið að um annan slíkan skjálfta hafi verið ræða. Hann hafi ekki áttað sig ekki á því að upptök skjálftans væru í grennd við bæinn.

29. maí 2009 22:55

Lögreglu ekki borist tilkynningar um tjón

Lögreglunni á Suðurnesjum hefur ekki borist neinar tilkynningar um tjón vegna jarðskjálftann sem varð klukkan hálf tíu í kvöld norðvestan af Grindavík.

29. maí 2009 22:14

Skjálftinn mældist 4,7 á richter - stöðugir eftirskjálftar

Jarðskjálftinn, sem átti upptök sín um 8 kílómetra norðaustur af Grindavík, var af stærðinni 4,7 á richter, segir Gunnar Guðmundsson jarðskjálftafræðingur hjá Veðurstofu Íslands. Hann segir að skjálftinn hafi fundist víða, meðal annars í Borgarfirði. Skjálftinn varð klukkan 21:33.

29. maí 2009 21:54

Mest lesið

Fleiri fréttir