Líklega um eðlilegar jarðskorpuhreyfingar að ræða

Allstór jarðskjálfti varð á svæði um 11 kílómetra suðvestur af Hafnarfirði klukkan 21:33 í kvöld. Skjálftinn varð nánast undir Reykjanesbraut nálægt Kúgerði, segir Sigurður Þ. Ragnarsson jarðeðlisfræðingur. Fyrstu tölur bentu til að hann væri 3,9 á Richter en endurreiknaðar tölur Evrópsku jarðskjálftamiðstöðvarinnar benda til þess að hann hafi verið 4,8 á Richter og á um tveggja kílómetra dýpi, segir Sigurður.

Nokkrir litlir eftirskjálftar hafa fylgt í kjölfarið á svæðinu all vestur af Grindavík.

Sigurður segir að ekkert annað bendi til þess að um eðlilega jarðskorpuhreyfingar á þessu svæði sé um að ræða og að búast megi við óróa á svæðinu í kjölfar skjálftans, enda skjálftinn verið með þeim stærri sem verða almennt á þessu svæði, segir Sigurður.

Skjálfti á þessari stærðargráður bendir sjaldnast til þess að um einhverskonar eldsumbrot neðanjarðar sé að ræða og því ástæðulaust að óttast nokkuð eins og staðan er nú, segir Sigurður.