Fimm hryðjuverkaárásir í Pakistan

Talibanar hafa gert fimm hryðjuverkaárásir í Pakistan á síðasta sólarhring. Undanfarinn hálfan mánuð hafa þeir drepið hundruð óbreyttra borgara í sprengjutilræðum.

Nú varð sú breyting á að fjögur af skotmörkum þeirra voru lögreglustöðvar.

Að minnsta kosti 48 fórust í þessum árásum. Fjölmargir eru særður og sumum ekki hugað líf.

Stjórnarherinn í Pakistan hefur á undanförnum mánuðum brotið á bak aftur veldi talibana í Swat héraði sem þeim var upphaflega látið eftir til þess að reyna að semja frið við þá.

Talibanar þökkuðu fyrir sig með því að hefja vopnaða innrás í næsta hérað og voru aðeins um 100 kjílómetra frá höfuðborginni Islamabad þegar stjórnvöldum var nóg boðið.

Nú er stjórnarherinn að undirbúa stórárás á vígstöðvar þeirra í grennd við landamærin að Afganistan.

Með árásum sínum eru talibanar að reyna að valda svo miklum glundroða og sársauka í landinu að almenningur rísi upp gegn áformum ríkisstjórnarinnar.

Í það skipti þökkuðu þeir fyrir sig með því að leggja undir sig Afganistan.