Tjáir sig ekki um kaup á HS

Katrín Júlíusdóttir iðnaðar­ráðherra vill ekki tjá sig um möguleikana á því að ríkið kaupi hlut Orkuveitu Reykjavíkur í HS orku. „Ég tjái mig ekki um þetta mál á meðan við erum að skoða það. Við erum að fara yfir málið frá a til ö,“ segir Katrín.

Líkt og Fréttablaðið hefur greint frá er fjármálaráðherra að skoða möguleikann á kaupum á hlutnum og hefur nefnt að til greina komi að ræða við lífeyrissjóðina í því skyni. Tilboð kanadíska fyrir­tækisins Magma Energy í hlutinn átti að renna út á fimmtudag, en hefur verið framlengt til 31. ágúst. - kóp