Saudi-Arabía gerir loftárásir í Yemen

Flugher Saudi-Arabíu hefur gert stórfelldar loftárásir á búðir skæruliða í nágrannaríkinu Yemen.

Jafnframt hafa þúsundir hermanna verið sendir að landamærum ríkjanna. Loftárásirnar hófust á miðvikudag og var haldið áfram í gær.

Það stefnir í borgarastyrjöld í Yemen þar sem sjía múslimar hafa gripið til vopna gegn stjórnvöldum í landinu.

Uppreisnarmennirnir hafa einnig gert árásir yfir landamæri Saudi-Arabíu að því er þeir segja í hefndarskyni fyrir að Saudi-Arabar styðji ríkisstjórn Yemens í baráttunni.

Yemen er einnig orðið griðastaður fyrir liðsmenn al-Kaida sem hafa flúið frá Saudi-Arabíu.

Embættismenn í Saudi-Arabíu segja að engin ákvörðun hafi enn verið tekin um að senda herlið yfir landamærin.

Hinsvegar sé alveg skýrt að stjórnvöld muni ekki líða árásir skæruliða yfir landamærin.