Atkvæðagreiðsla utan kjörfundar hefst klukkan tvö í dag

Utankjörfundaratkvæðagreiðsla vegna prófkjörs Samfylkingarinnar í Reykjavík hefst klukkan tvö í dag í kosningamiðstöð Samfylkingarinnar á Skólabrú við Austurvöll. Hún stendur til 13. mars. Í fréttatilkynningu frá Samfylkingunni segir að þeir kjósendur sem ekki eiga heimangegnt á kjördag, hafa ekki aðgang að tölvu, nota ekki heimabanka eða vilja kjósa með gamla laginu á pappír, er velkomið að kjósa utan kjörfundar.

Kjörstaðurinn verður opinn klukkan tvö til átta alla dagana. Kosningarétt hafa félagar í Samfylkingarfélögunum í Reykjavík sem voru skráðir félagar þann 28. febrúar 2009 og eiga lögheimili eða hafa kosningarétt í Reykjavík. Aðstoð við kosninguna er á kjörstað. Nánari upplýsingar um prófkjörið er að finna á samfylking.is eða í síma 414 2200.

Prófkjörið stendur yfir frá 9. mars og lýkur 14. mars. Kjörið fer fram á internetinu og því mögulegt að kjósa hvar sem er, svo lengi sem tölva, nettenging og aðgangur að heimabanka eru til staðar. Gert er ráð fyrir að fyrstu tölur verði kunngjörðar fljótlega uppúr kl. 18 laugardaginn 14. mars.

Kynningardagur frambjóðenda verður sunnudaginn 8. mars á milli klukkan tvö og sex í kosningamiðstöð Samfylkingarinnar á Skólabrú við Austurvöll.

Frambjóðendur bjóða kjósendur velkomna, kynna sig og sín hjartans mál og svara spurningum kjósenda. Ilmandi kaffi og heimabakað góðgæti gegn hóflegu framlagi í kosningasjóð. Allir velkomnir!lsson.