Sólgleraugu seljast grimmt

Erlendir ferðamenn kaupa nú dýr sólgleraugu sem aldrei fyrr, að sögn Gunnars Guðjónssonar í Gleraugnamiðstöðinni við Laugaveg.

Gunnar segist selja nokkur sólgleraugu á tugi þúsunda á degi hverjum, og þótt verslunin hafi alltaf selt nokkuð af sólgleraugum hafi salan aldrei verið neitt í líkingu við það sem verið hefur í sumar.

Salan er þó líklega ekki veðrinu að þakka, enda sólin ekki látið sjá sig svo mikið, heldur er gengi íslensku krónunnar hagstæðara fyrir útlendinga en nokkru sinni fyrr. - sh