Ísland í dag á næturvakt með löggunni

Ísland í dag setti sig í spor lögreglumanna á helgarvakt um lipna helgi og verður afraksturinn sýndur í þætti kvöldsins. Þar kynnumst við lífi lögreglumanna en vaktin byrjaði klukkan 11 á laugardagskvöld og stóð til sjö að morgni sunnudags.

Farið var í fjölmörg útköll, fylgst með hvernig lögreglan bregst við ofurölvun í borginni, ölvunarakstri, þjófar eru eltir uppi, fylgst var með handtöku og rætt við afbrotamanninn.

„Þá heyrum við sögur lögreglumanna, hvað þeir hræðast í starfi hálf vopnalausir og hvernig Íslendingar koma fram við lögregluna," segir Sindri Sindrason, einn umsjónarmanna þáttarins. Fylgist því með fjörugu Íslandi í dag klukkan 18:55 í kvöld á Stöð 2.