Stórstjörnur kveðja Leno

Stórstjörnurnar Mel Gibson og Arnold Schwarzenegger hafa samþykkt að vera á meðal síðustu gesta Jay Leno áður en hann hættir með spjallþátt sinn The Tonight Show. Prince, Lyle Lovett og Billy Crystal verða einnig á meðal stjarnanna sem heimsækja Leno síðustu viku hans í embætti, sem hefst 25. maí.

Ekki er vitað hvort Gibson vilji ræða um skilnað sinn við eiginkonu sína sem nú stendur yfir. Schwarzenegger á aftur á móti örugglega eftir að láta ýmislegt flakka, enda tilkynnti hann um framboð sitt til ríkisstjóra Kaliforníu í þættinum árið 2003.