Bretar svara ekki með beinum hætti

Breska forsætisráðuneytið svarar ekki með beinum hætti spurningum fréttastofu um hvað hafi legið að baki ummælum Browns forsætisráðherra Bretlands í þinginu fyrir helgi um viðræður við Alþjóða gjaldeyrissjóðsins vegna skulda Íslands. Í yfirlýsingu er forsætisráðherrann er aðeins sagður hafa átt við lánasamkomulag sjóðsins við Ísland og Icesave viðræðurnar.

Fréttastofa sendi í gær fyrirspurn til breska forsætisráðuneytisins um svar Gordons Browns forsætisráðherra Bretlands við fyrirspurn í breska þinginu um miðja vikuna.

Spurt var hvort forsætisráðherrann hefði blekkt breskan þingheim með að vísa ábyrgð á innistæðum í Kaupþing Singer og Friedlander til Íslendinga en það taldi fyrirspyrjandinn, íhaldsþingmaðurinn Graham Brady í viðtali við í fréttum Stöðvar tvö í gærkvöldi og sagði hann líkast til hafa gert það óviljandi. Einnig var spurt hvort bresk stjórnvöld teldu að þau íslensku bæru ábyrgð á töpuðum innistæðum í bankanum. Einnig var spurt hvað forsætisráðherrann ætti við með viðræðum við Alþjóða gjaldeyrissjóðinn og við hverja aðra væri verið að ræða? Einnig var spurt hvort bresk stjórnvöld væru að beita þrýstingi í málinu hvað varðaði lánveitingar sjóðsins til Íslands og jafnvel mögulegar aðildarviðræður við Evrópusambandið.

Brown var að vísa til samkomulags Íslands og AGS

Svar forsætisráðuneytisins bars í gærkvöldi. Þar segir að Brown hafi í svari sínu fyrst vísað til taps Christie sjúkrahússins sem Brady spurði um og síða farið að ræða málið á breiðum grundvelli. Vissulega beri breska fjármálaeftirlitið ábyrgð í málefnum Kaupþings Singer og Friedlander sem var útibú Kaupþings í Bretlandi. Hann hafi hins vegar viljað benda á að íslenskum yfirvöldum bæri að borga tap sem þau bæru ábyrgð á.

Í yfirlýsingunni segir að þegar forsætisráðherrann hafi rætt um viðræður við Alþjóða gjaldeyrissjóðsins og aðra um hversu hratt Íslendingar geti borgað það sem þeir skuldi hafi Brown verið að vísað til samkomulags Íslands við Alþjóða gjaldeyrissjóðinn sem Bretar styddu heilshugar. Í yfirlýsingunni fagnar forsætisráherra Breta þeirri skuldbindingu Íslands frá í nóvember að semja um lán frá Bretum svo endurgreiða megi Icesave innistæður. Enn væri eftir að semja um það.

Brown meinti allt annað

Í samtali við Fréttablaðið vildi fjölmiðlafulltrúi breska forsætisráðuneytisins ekki samþykkja að í svari Browns á þingi hafi hann annað hvort ekki gert sér grein fyrir mismunandi breskum reglum sem giltu um Kaupþing í Bretlandi annars vegar og Landsbankann hins vegar eða að Brown hafi blekkt þingheim. Hann hafi aðeins verið að setja málið í samhengi.

Fjölmiðlafulltrúinn samþykkti ekki að hluti svarsins um Alþjóða gjaldeyrissjóðsins bæri ekki saman við skýringuna frá ráðuneytinu. Í samtalið við Fréttablaðið svara fjölmiðlafulltrúinn því til að í tíminn sé knappur í fyrirspurnartíma á breska þinginu og því hafi þetta komið svona út. Hann hafi hins vegar meint allt annað.

Össur ánægður

Össur Skarphéðinsson, utanríkisráðherra, segir í Morgunblaðinu í morgun að hann sé ánægður með það sem komi fram í yfirlýsingu breska forsætisráðuneytisins.