Víðast hvar hálka á vegum landsins

Það er hálka á Sandskeiði, Hellisheiði og í Þrengslum. Hálka er einnig víða á Suðurlandi, einkum á útvegum.

Á Vesturlandi eru víðast hvar hálkublettir í Hvalfirði og Borgarfirði en meiri hálka á Snæfellsnesi og í Dölum.

Hálka er á flestum leiðum bæði á Vestfjörðum og á Norðurlandi.

Það snjóar á Norðaustur- og Austurlandi og þar er ýmist hálka eða snjóþekja. Breiðdalsheiði er þungfær og vegna slæms veðurútlits er ekki gert ráð fyrir að moka hana í dag.

Með suðausturströndinni er hálka og snjóþekja.